02 июля 2019, 12:37
Цæгат Ирыстоны кусын райдыдтой ирон æвзаг ахуыр кæныны лæвар курсытæ
Уыдонмæ цæуыны фадат ис, 14 азы онг кæуыл цæуы, ахæм лæппутæн æмæ чызджытæн
Цæгат Ирыстоны кусын райдыдтой ирон æвзаг ахуыр кæныны лæвар курсытæ. Уыдонмæ цæуыны фадат ис, 14 азы онг кæуыл цæуы, ахæм лæппутæн æмæ чызджытæн. Сывæллæтты сфæлдыстады республикон хæдзары сын ирон аив дзырды уроктæ дæттынц ирон филологийы факультеты студенттæ æмæ ахуыргæнджытæ. Курсытæ арæзт цæуынц ныр дыккаг аз. Афтæмæй æххæстгонд цæуы «Национ культурон хæзнаты» программæ. Кæстæртæ, ирон æвзаг зоныны æмвæзадмæ гæсгæ, кусынц 4 къорды. Курсытæ саразджыты хъуыдымæ гæсгæ, фыццаджыдæр, сывæллонæн хъæуы Ирыстоны культурæйы тыххæй зонындзинæдтæ раттын. Уыимæ, ирон у, æви æндæр адæмыхаттæй, уый уæлдай нæу.