Æгуыст адæмы нымæц 27 минæй фæкъаддæр 19-ы онг
Цæгат Ирыстоны куыст дæттыны центры зæгъынц, ныртæккæйы онг, уалдзæг æмæ сæрдимæ абаргæйæ, сæ бæрæггæнæнтæ зынгæ фæхуыздæр сты. Æгуыст адæмы нымæц 27 минæй фæкъаддæр 19-ы онг. Ныртæккæ дæр, раздæрау, ахсджиагдæр сты кусæг дæсныйæдтæ. Фæллоймæ цæстдарды Управленийы бакуыстой ведомствоты хсæн мадзæлтты комплексыл. 2021-æм азы фæззæджы кæронмæ куыст дæттыны службæ нысан кæны 10 мин адæймагæн куыст ссарын. Бæлвырддæр – Бокоты Виктория.
Гериты Елизаветæ тæлмацгæнæгæй куыста Мæскуыйы фармацевтон кампанитæй иуы. Фæлæ ацы хъуыддагмæ ивддзинæдтæ бахаста пандемия, æмæ Елизаветæйы бахъуыд йæ райгуырæн Дзæуджыхъæумæ æрыздæхын. Ам та бирæ рæстæг æрыгон чызгæн куыст ссарын зын уыди. Дыууæ уæлдæр ахуырады дипломтимæ: лингвистикон æмæ юридикон Елизаветæ æххуысагур бацыд куыст дæттыны Центрмæ. 3 мæйы фæстæ æрыгон специалисты арвыстой фæсивæды социализацийы центрмæ, æмæ дзы кусын райдыдта юрисконсультæй. Куыст агургæйæ, сæйрагдæр у хи хъæппæристы æвдисын, зæгъы Гериты Елизаветæ.
Цæгат Ирыстоны куыст дæттыны центры зæгъынц, ныртæккæйы онг, уалдзæг æмæ сæрдимæ абаргæйæ, сæ бæрæггæнæнтæ зынгæ фæхуыздæр сты. Æгуыст адæмы нымæц 27 минæй фæкъаддæр 19-ы онг.
Ныртæккæ дæр, раздæрау, ахсджиагдæр сты кусæг дæсныйæдтæ. Фылдæр агурынц æнæниздзинадхъахъхъæнынады æмæ ахуырады къабæзты спеицалистты, уæлдайдæр та хъæуты. Фæллоймæ цæстдарды Управленийы бакуыстой ведомствоты хсæн мадзæлтты комплексыл. Æнтыстджынæй йæ бахъахъхъæдтой ацы аз, æмæ йæ бахастой стажировкæйы пъланмæ. 2021-æм азы фæззæджы кæронмæ куыст дæттыны службæ нысан кæны 10 мин адæймагæн куыст ссарын.
