27 мая 2020, 16:36
Цæгат Ирыстоны ма ивгъуыд суткæмæ коронавирус раиртæстой ноджыдæр 52 адæймагмæ
Республикæйы хыгъд æрцыди коронавирусæй рынчын 2807 адæймаджы
Цæгат Ирыстоны ма ивгъуыд суткæмæ коронавирус раиртæстой ноджыдæр 52 адæймагмæ. Ацы бæрæггæнæнтæ абон райсомæй фехъусын кодта фæлхасадмæ цæстдарды управленийы пресс-службæ. Афтæмæй, 27 майы райсомы 8 сахатмæ республикæйы хыгъд æрцыди коронавирусæй рынчын 2807 адæймаджы. Уыдонæй 1015 адæймаджы сæхи дзæбæх кæнынц амбулаторон уагæй. 127 – рынчындæтты, 1624 адæймаджы сдзæбæх сты. 41 -æй амардысты. Æдæппæтæй хи изоляцийы фæткы дохтырты цæстдарды сты 1241 адæймаджы.
