22 апреля 2021, 13:09
Цæгат Ирыстоны медицинон колледжы дарддæр цæуы республикæйы цæрджыты вакцинаци
Ахуыргæнæндоны прививкæтæгæнæн кампани цæуы рæстæгæй-рæстæгмæ
Цæгат Ирыстоны медицинон колледжы дарддæр цæуы республикæйы цæрджыты вакцинаци. Ахуыргæнæндоны прививкæтæгæнæн кампани цæуы рæстæгæй-рæстæгмæ. Ацы хатт иммунизаци ацыдысты 40 адæймаджы. Алы æрбацæуæгмæ дæр рагацау æркæсы дохтыр. Бафæрсы исты низтæ йæм ис, æви нæ, уымæй. Æнæмæнг хъуамæ алкæмæн дæр сбарой буары тæвд æмæ туджы æлхъывдад. Куы сбæлвырд вæййы, прививкæйы ныхмæ ницы фиппаинæгтæ ис, уæд адæймагæн скæнынц вакцинæ. Привикæтæгæнæн пункт Цæгат Ирыстоны медицинон колледжы байгом кодтой ацы аз февралы. Ацы бон привикæ скæнынмæ чи рбацыд, уыдонæн сæ фылдæр уыдысты ацæргæ адæм.
