Ацы ахуыргæнæндоны прививкæтæ кæныны кампани цæуы рæстæгæй-рæстæгмæ
Цæгат Ирыстоны медицинон колледжы радон хатт цæуы COVID-19-ы ныхмæ вакцинаци. Ацы ахуыргæнæндоны прививкæтæ кæныны кампани цæуы рæстæгæй-рæстæгмæ. Къуыри иу хатт сæмбырд вæййы, вакцинаци ацæуын кæй фæнды, уыцы адæмы номхыгъд. Инъекци скæныны фадат ис студенттæн, ахуыргæнджытæн, стæй хæстæгдæр районты чи цæры, уыцы адæмæн. Ацы хатт прививкæйы фыццаг компонент райстой 20 адæймагæй фылдæр, дыккаг компонент та – 11 адæймаджы. Алкæмæ дæр æркæсы дохтыр, бафæрсы йæ низты тыххæй, сбары æлхъывдад æмæ тæвд. Уымæн æмæ препарат кæнæн нæй, адæймаг рынчын куы уа, уæд. Уыимæ – чи нæ дзæбæх кæны, уыцы низтимæ прививкæ кæнæн ис. æппæт хъуыддæгтæ куы базонынц, уæд дохтыртæ бар раттынц вакцинæ скæнынæн.
