Равзæрстой, наркотикты ныхмæ темæйыл хуыздæр журналистон куыст
Цæгат Ирыстоны мыхуыры хъуыддæгты æмæ дзыллон коммуникациты комитеты хатдзæгтæ скодтой, конкурс «Выбери жизнь»-æн. Равзæрстой, наркотикты ныхмæ темæйыл хуыздæр журналистон куыст. Преми лæвæрд цæуы ныр 4-æм аз. Уыимæ дыууæ номинацийы – хуыздæр текст æмæ хуыздæр электрон проект. Уæлахиздзауты хсæн сты не мкусджытæ дæр – Паддзахадон телерадиокомпани «Алани»-йы радиойы службæйы хицау Джыккайты Заремæ æмæ радиохъусынады шеф – редактор Баллаты Ритæ. Сæ иумæйаг куыст дзурæг у проект «Живой город»-ыл. Сæ хъайтартæ бирæ хæттыты уыдысты, раздæр наркотиктæм æмхиц чи уыд, ахæм адæм. Конкурс саразыныл бакуыстой мыхуыры хъуыддæгты æмæ дзыллон коммуникациты комитет, стæй республикæйы сæргълæууæджы цур наркотикты ныхмæ къамис. Мадзал арæзт у, цæмæй журналистты æмæ блогерты сразæнгард кæной, наркотиктæ адæймагæн цы зиан хæссынц, уыцы темæйыл фыссынмæ. Спициалистты хъуыдымæ гæсгæ ацы темæ цас парахатдæр кæной, уыйас хуыздæр уыдзæн.
