Сæ хатдзæгтыл ныхас цыд, республикæйы хицауады Тускъаты Таймуразы размындæй цы æмбырд арæзт æрцыд, уым
Нырыккон скъола – алцæмæй дæр æххæст скъола. Цæгат Ирыстоны национ проект «Ахуырад»-ы фæлгæты æххæстгонд цæуынц цалдæр программæйы. Сæ хатдзæгтыл ныхас цыд, республикæйы хицауады Тускъаты Таймуразы размындæй цы æмбырд арæзт æрцыд, уым. Цы бафтыд къухы, æмæ ма цы хъæуы саразын, уый тыххæй радзурдзæн Моргуаты Ладæ.
Республикæйы ахуырады æмæ наукæйы министр Людмила Башарина радзырдта, национ проект «Ахуырад»-ы фæлгæты цалдæр регионалон проекты царды куыд æххæстгонд цæуынц, уый тыххæй. Ныхас цыд программæ «Нырыккон скъола»-йыл. Ам фылдæр æргом здæхт уыд, йе нæниздзинад цудыд кæмæн у, уыдонæн фадæттæ саразынмæ.
Мæздæджы æрæджы цы ног скъола-интернат байгом, уый гæнæнтимæ та тагъд базонгæ уыдзысты йæ хъомылгæнинæгтæ, сты 189, уыдонæй 73 хицæн кæнынц се нæниздзинадмæ гæсгæ, уый тыххæй радзырдта йæ директор Наталья Мироненко. Ам кълæстæ ифтонг сты хъæдæрмæгæй куыст кæнынмæ, æмæ уæлæдарæс хуыйæн машинæтæй. Ам уыдзæн дзабыртæ хуыйæн кълас дæр. Йе нæниздзинад цудыд кæмæн у, уыдонæн та байгом кæндзысты армдæсныйады æрмадз. Самал кодтой ног кусæнгæрзтæ. Хуымæтæг сабитæй чи хицæн кæны, уыдонмæ фылдæр æргом здахын у фыццаградон хæстæй иу, фæнысан кодта хицауады сæрдар Тускъаты Таймураз.
Æмбырды ма ныхас цыд, Цæгат Ирыстоны скъолаты кæй фæзындысты, ахуырдзауыты курдиат чи æргом кæны ахæм къордтæ. Фæлæ нæ фаг кæнынц ахуыргæнджытæ, кæцытæ сæ ногдзинæдтæ хæццæ кæндзысты сывæллæттæм. Ахуыргæнæн курсытæ арæзт цæуынц Кванториумы бындурыл
Æмбырды ма байхъуыстой ныййарджыты хъуыдымæ. Премьер куыд бафиппайдта, афтæмæй ахæм фæлтæрдзинадæй арæхдæр пайда кæндзысты. Сæ размæ сæвæрдтой ног нысантæ дæр, æмæ куыст цæудзæн дарддæр.
