Уый тыххæй аппаратон æмбырды фехъусын кодтой Уæрæсейы фæлхасадмæ цæстдарды республикон управленийы специалисттæ
Цæгат Ирыстоны ОРВИйæ рынчынты нымæц эпидемиологон къæпхæнæй сырæзт 6,9 проценты. Уый тыххæй аппаратон æмбырды фехъусын кодтой Уæрæсейы фæлхасадмæ цæстдарды республикон управленийы специалисттæ.
Хъæстыты 60 процентæй фылдæр сты сывæллæттæй. Ныры онг бахыгътой коронавирусæй рынчынты 26 ног цауы. Сывæллæтты рæвдауæндæтты æмæ скъолаты та уавæр у рæстæмбис, – загъта ахуырады æмæ наукæйы министр Алыбекты Эллæ. Карантины иунæг ахуыргæнæндон дæр æхгæд не рцыд. Аппаратон æмбырды ма ныхас цыд электрон тыхдæттæг куыстуæтты архайдыл. Бæлвырддæр та – цæмæй радхæссæг бригадтæ афоныл иуварс кæной аварион цауты фæстиуджытæ. Сергей Меняйло ресурстæй æххæстгæнæг организацитæн бахæс кодта, цæмæй цыфæнды аипдзинад раиртасыны рæстæг æвæстиатæй объектты скусын кæной электрон тыхдæттæг уæлæмхасæн кусæнгæрзтæ.
