Мадзал баиу кодта республикæйы 5 уæлдæр ахуыргæнæндоны активон æмæ хъæппæрисджын студентты
Цæгат Ирыстоны падддзахадон университеты арæзт æрцыд бизнес-хъазт «Дæ фидæн сараз. Стартап-мания». Мадзал баиу кодта республикæйы 5 уæлдæр ахуыргæнæндоны активон æмæ хъæппæрисджын студентты. Сæ иумæйаг нысан у – хи бизнес-проекттæ саразын æмæ сæ рæзтыл кусын. Бизнес-хъазт сси уникалон фæз, курдиатджын фæсивæды раргом кæнынæн, кæрæдзийы фæлтæрддзинадимæ базонгæ уæвынæн æмæ амалхъомдзинады фыццаг къахдзæфтæ скæнынæн. Фæсивæды дыууæ сахаты æмæ рдæгмæ хъуыди сæ проекттæ бацæттæ кæнын, æмæ сæ жюрийы размæ рахæссын. Амалхъом хъазты фæрцы студенттæ ахуыр кæнынц командæйы кусыныл, уынаффæтæ хæссыныл æмæ разамонæджы миниуджытæ æвдисыныл. Мадзал саразыныл бакуыста Уæрæсейы егъаудæр банктæй иу.
