Йæ бындурыл цæттæ кæндзысты слестгæнджыты æмæ фæндаггон инспекторты æххуысгæнджыты, патрулон службæйы кусджыты æмæ афтæ дарддæр
Цæгат Ирыстоны паддзахадон базарадон экономикон колледж райста ног ифтонгарз Барадхъахъхъæнæджы архайды ахуырадон къабазæн. Йæ бындурыл цæттæ кæндзысты слестгæнджыты æмæ фæндаггон инспекторты æххуысгæнджыты, патрулон службæйы кусджыты æмæ афтæ дарддæр. Ногдзинады фæрцы колледжæн радой криминалисты ифтонгарз, лазерон æхстон тренажер, фоторобот аразыны программæ æмæ афтæ дарддæр. Барадхъахъхъæнæджы архайд у колледжы ног къабæзтæй иу. Ахуырдзауты фыццаг къорд райстой 2023-æм азы, уæд республикæ рамбылдта Уæрæсейы рухстауынады грант — 60 милуан сомы. Уыцы фæрæзтæй бындуронæй сцалцæг кодтой фидæны æрмадзтæ, балхæдтой техникæ, бацæттæ кодтой ахуырадон программæтæ. Мидхъуыддæгты министрады кусджытæ студенттæн амыдтой семинартæ, арæзтой сын дæсныйадæвдисæг ахуыртæ криминалистикæйæ, ацы аз та сын райдайдзысты лекцитæ кæсын.
