Æхсæнадон организаци «Время Перемен» хорз хъуыддæгты марафон аразы алы аз дæр
Цæгат Ирыстоны паддзахадон базарадон экономикон колледжы арæзт æрцыд акци «Спешите делать добро». Æхсæнадон организаци «Время Перемен» хорз хъуыддæгты марафон аразы алы аз дæр. Ацы хатт, Дауны синдромимæ сывæллæттæм æнхъæлмæ касти æцæг аргъау. Митын Дада æмæ Митын Чызг сын бацæттæ кодтой хъæздыг бæрæгбоны программæ: акодтой симд æмæ æндæр кафтытæ, зарыдысты, аив кастысты æмдзæвгæтæ, стæй æххæст кодтой алыхуызон хæслæвæрдтæ. Ног азы бæрæгбон фæци æхсызгон мадзалæй. Бацæттæ йæ кодтой колледжы студенттæ æмæ ахуыргæнджытæ. Зæгъдзыстæм ма уый дæр, æмæ акцийы кæй архайдтой сывæллæтты сфæлдыстады республикон галуаны хъомылгæнинæгтæ дæр. Мадзал арæзт æрцыд ахуырады æмæ наукæйы министрады хъæппæрисæй.
