Видеоконференци саразыныл бакуыста наукæйы æмæ культурæйы Уæрæсейаг центр Брюсселы
Цæгат Ирыстоны паддзахадон медицинон академийы арæзт æрцыд видеоконференци, коронавирус парахат кæныны ныхмæ мадзæлтты темæимæ баст. Видеоконференци саразыныл бакуыста наукæйы æмæ культурæйы Уæрæсейаг центр Брюсселы. Фæрстытæн дзуæппытæ лæвæрдта медакадемийы ректор Олег Ремизов. Сахат æмæ рдæджы онг ныхас цыд Евроцæдисы бæстæты ахуыргæндтимæ æмæ хуымæтæг цæрджытимæ. Стыр æргом аздæхтой коронавирусы алы хуызтæм, æмæ сæ парахат кæныны ныхмæ тохыл. Олег Ремизов куыд загъта, афтæмæй нæ бæстæйы цæрджытæм фæзынд иммунитет, коронавирусы хуымæтæг штамтæ кæй зилдух кæнынц, уымæ гæсгæ. Уымæ гæсгæ, Уæрæсейы ацы низæй мæлынц къаддæр адæм. Медицинон академийы ректор ма загъта, чи фæрынчын, уыцы сывæллæттæ кæй свæййынц æрдзон вакцинатортæ. Ома сывæллонæй куы бахæца низ хистæр кары адæймагыл, уæд æнцондæр хуызы ацæуы.
