Мадзалы архайдтой 4 сæдæ адæймагæй фылдæр. Се хсæн Мæскуыйæ, Санкт-Петербургæй, Донецкæй, æмæ Цæгат Кавказы республикæтæй кардиологтæ, нефрологтæ, æмæ эндокринологтæ
Цæгат Ирыстоны Паддзахадон медицинон академийы уыди Кавказы кардиологты æмæ терапевтты наукон-ахуырадон конференци.
Мадзалы архайдтой 4 сæдæ адæймагæй фылдæр. Се хсæн Мæскуыйæ, Санкт-Петербургæй, Донецкæй, æмæ Цæгат Кавказы республикæтæй кардиологтæ, нефрологтæ, æмæ эндокринологтæ. Ацы дохтыртæ сты, наукон царды æмæ нырыккон дзæбæхгæнæн мадзæлттæ хъуыды кæныны активонæй чи архайы, ахæмтæ. Пленарон æмбырды æркастысты фармакологийы актуалон фарстатæм. Конференци арæзт æрцыди УФ-йы æнæниздзинадхъахъхъæнынады академийы ректор Дмитрий Сычевы хъæппæрисæй. Уый ахадгæ куыст бакодта, республикæйы цы дохтыртæ кусынц, уыдоны фæлтæрддзинад фæуæлдæр кæныны хъуыддаджы. Æвзарæн къæпхæн цы дохтыртæ ацыдысты, уыдон программæйы фæлгæты дарддæр æххæст кæндзысты сæ ахуыртæ. Федералон уæлдæр ахуыргæнæндоны бындурыл сæм йæ цæст дары Цæгат Ирыстоны Сæргълæууæг.
