Дыууынæм юбилейон æппæтадæмон фестиваль арæзт æрцыд Турчы горæт Бююк чек меджы.
Цæгат Ирыстоны паддзахадон педагогон институты фольклорон кафты театр «Æртхурон» уæлахиздзау сси Æппæтдунеон хореографион фестивалы.
Дыууынæм юбилейон æппæтадæмон фестиваль арæзт æрцыд Турчы горæт Бююк чек меджы. Кафты бæрæгбоны архайдтой дунейы 28 бæстæйы коллективтæ. Уæрæсейы кад дзы хъахъхъæдта нæ республикæйы коллектив. Аивадуарзджыты размæ рахаста цалдæр кафты: Симд, Хонгæ, Чызджыты æмæ Хохаг кæфтытæ æмæ «Поединок». Адæмон кафты ансамбль «Æртхурон» арæзт æрцыд 10 азы размæ Цæгат Ирыстоны паддзахадон педагогон институты. Йæ алы композици дæр хицæн кæны оригиналон жанрæй, стæй фæлтæрддзинадæй. Коллектив зонгæ у канд Цæгат Ирыстоны цæрджытæн нæ, фæлæ ма Уæрæсейы æндæр горæтты æмæ суанг фæсарæнты дæр. Ансамбль бирæ хæттыты сси æппæтадæмон конкурсты уæлахиздзау. Афæдзæй-афæдзмæ коллектив фæхъæздыгдæр вæййы ног курдиæттæй. «Æртхурон»-ы бындурæвæрæг æмæ разамонæг у Бестауты Георгий.
