филиал вгтрк государственная телерадиовещательная компания “Алания”

Абонæй фæстæмæ Цæгат Ирыстоны паддзахадон университет рахиздзæн дардмæ ахуырады системæмæ. Ахæм уынаффæ хаст æрцыди, рспубликæйы коронавирус ма руадзыны тыххæй. Бардзырд бафыста Уæрæсейы ахуырады министрад. Ивддзинæдтæ хъуамæ ахуырады процессыл ма фæзыной, ивд цæуы æрмæстдæр йæ формæ, фехъусын кодтой уæлдæр ахуыргæнæндоны. Амæй размæ, ЦИПУ-йы фæсарæйнаг студентты цæуыны фæтк рæстæгмæ фæкарздæр. Университеты ивд æрцыдысты дзыллон мадзæлттæ æмæ ахуыргæнджыты командировкæтæ. Студенттæн университетмæ бацæуæны барынц сæ тæвд. Стыр æргом дзы здæхт цæуы агъуыстытæ дизинфекци кæныны фарстамæ.