17 августа 2021, 14:24
Цæгат Ирыстоны паддзахадон университеты æфсæддон ахуырадон центр рауагъта фыццаг курсантты
103 адæймагæн 58-æм æфсады дивизийы фæзы уыди кадджын ард бахæрды мадзал
Цæгат Ирыстоны паддзахадон университеты æфсæддон ахуырадон центр рауагъта фыццаг курсантты. 103 адæймагæн 58-æм æфсады дивизийы фæзы уыди кадджын ард бахæрды мадзал. Студенттæ ныртæккæ ахуыртæ кæнынц Тарскæйы полигоны. Куы фæуой, уæд сын уыдзæн хатдзæгтæгæнæн аттестаци. Уæ зæрдыл уын æрлæууын кæндзыстæм, Цæгат Кавказы республикæты фыццаг æфсæддон ахуыргæнæн центр 2019-æм азы байгом кодтой Цæгат Ирыстоны паддзахадон университеты. Боныгон хуызы чи ахуыр кæны, уыцы студенттæ ахуыртæ цæуынц сержантты æмæ запасы салдæтты æфсæддон программæмæ гæсгæ. Рауагъдонтæн дæтдзысты æмбæлгæ æфсæддон билеттæ, æмæ сæ фидæны æфсæддон службæмæ нал кæндзысты.
темæмæ гæсгæ
