Цæгат Кавказы у иунæг, æмæ йæ куыст райдайдзæн сентябры
Цæгат Ирыстоны паддзахадон университеты ахуыргæнæн центр суазæг кодта фыццаг студентты. Цæгат Кавказы у иунæг, æмæ йæ куыст райдайдзæн сентябры. Уый тыххæй фехъусын кодтой уæлдæр ахуыргæнæндоны пресс-службæйæ. Æрвыл аз дзы ахуыр кæнынмæ исдзысты 90 адæймаджы. Ахуырады программæмæ гæсгæ цæттæ кæндзысты сержантты æмæ запасы салдæтты. Æфсæддон цæттæдзинады хорз æнтыстдзинæдтæ цы студенттæ равдисой, уыдонæн ма уæлдæр ахуырады дипломимæ ратдзысты æфсæддон билеттæ. Центры рауагъдонтæн, куысты бынæттæ агургæйæ, уыдзæн фылдæр гæнæнтæ барадхъахъхъæнæг æмæ æндæр паддзахадон структурæтæм бацæуынæн. Стæй ма æфсæддон службæмæ, контраткмæ гæсгæ. Курсантты ахуыр кæныны мгъуыд уыдзæн 2 азы. Уымæй дарддæр ма хъуамæ 30 боны ацæуой цæттæгæнæн æмбырдтæ. Университетæн ис æппæт æмбæлгæ объекттæ ахуыргæнæн-методикон бындуртимæ. Æфсæддон центрмæ исдзысты, Уæрæсейы граждайнад кæмæ ис, ахæм фыццæгмæ курсы студентты.
