филиал вгтрк государственная телерадиовещательная компания “Алания”

Цæгат Ирыстоны паддзахадон университеты фыццæгæм курсы студенттæн æххæстгонд цæуы сæрмагонд зонынгæнæн программæ. Райдыдтой уал физикон-математикон факультетæй. У нæ университеты фыццаг бæстыхай, æмæ ацы аз бæрæг кæны йæ 100 азы юбилей. Студенттæн скодтой историон экскурси, æмæ сын радзырдтой, нæ регионы уæлдæр ахуырады рæзтыл куыд куыстой, уый тыххæй. Уымæй дарддæр сæ базонгæ кодтой, ныртæккæ цы программæтæ кусынц хистæртæн æмæ сывæллæттæн, уыдонимæ. Экскурситæ арæзт æрцæудзысты Рагон Аланийы музейы æмæ уæлдæр ахуыргæнæндоны æндæр бæстыхæйтты дæр.