филиал вгтрк государственная телерадиовещательная компания “Алания”

Цæгат Ирыстоны паддзахадон университеты ирон филологийы факультеты  байгом кодтой Дзæуджыхъæуы æвзæгты фестиваль. Уый у æвзагзонынадимæ баст культурон-рухстауæн мадзæл. Цæгат Ирчстоны ахæм фестиваль арæзт цæуы фыццаг хатт. Йæ нысан у дунейы æвзæгты презентаци скæнын. Специалисттæ гом урокты рæстæг зонгæ кæнынц кæрæдзийы фæлтæрддзинадимæ. Фестивалы программæ дихгонд æрцыд дыууæ хайыл. Фыццаджы дзырдтой ирон,  индонезиаг æмæ авестиаг æвзæгты тыххæй, иннæйы та – венграг, ирайнаг æмæ  туркаг. Мадзалы  къабæзтæй ма иу у ирон æвзаджы  клуб – уый у, æвзаг чи зоны, фæлæ йыл дзурын йæ бон кæмæн нæу, уыдонæн хорз æххуыс. Йæ фæрцы æнцондæрæй райдайдзысты дзурын ирон æвзагыл.