21 июля 2020, 11:33
Цæгат Ирыстоны паддзахадон университеты кадджын уавæры радтой дипломтæ хуыздæр рауагъдонтæн
Æдæппæтæй ацы аз университет каст фæуыдзысты иу мин адæймагæй фылдæр
Цæгат Ирыстоны паддзахадон университеты кадджын уавæры радтой дипломтæ хуыздæр рауагъдонтæн. Æдæппæтæй ацы аз университет каст фæуыдзысты иу мин адæймагæй фылдæр. Уыдонæй 53-йæн радтой сырх дипломтæ. Ацы азы рауагъдонтæ систы æппæтуæрæсеон олимпиадæ «Я профессионал»-ы уæлахиздзаутæ æмæ призертæ. Рамбылдтой студентты бизнес-проектты конкурс, стæй Æппæтуæрæсеон кубок «Управляй». Дипломтæ кадджын уавæры дæттын университеты нымад у ахсджиаг æмæ вазыгджын цауыл. Фæлæ ацы аз коронавирусы пандемия ивддзинæдтæ бахаста уыцы фæткмæ. Кадджын мадзал ацыдис Уæрæсейы фæлхасадмæ цæстдарды цæгатирыстойнаг Управленийы санитарон домæнтæ æххæст кæнгæйæ.
темæмæ гæсгæ
