Ацы аз сæ рæнхъыты уыд 70 адæймаджы
Цæгат Ирыстоны паддзахадон университеты конференцитæ аразæн залы кадджын уавæры сырх дипломтæ радтой йæ хуыздæр рауагъдонтæн. Ацы аз сæ рæнхъыты уыд 70 адæймаджы. Уыдон сты ахуырады алы къæпхæнты минæвæрттæ – бакалавртæ, магистртæ æмæ хицæн специалисттæ. Æдæппæтæй Цæгат Кавказы федералон Зылды стырдæр ахуырадон наукон комплекстæй иуæй æрвыл аз рацæуы мин рауагъдонæй фылдæр. Дипломтæ æмæ арфæйы фыстæджытæ иттæг хорз бæрæггæнæгтыл каст чи фæци, уыдон ЦИПУ’-йы ректор Огъуаты Алан æмæ ахуыргæнæндоны президент Мæхæмæтты Ахуырбеджы къухтæй райстой арфæйы фыстæджытæ. Зæгъын ма хъæуы уый дæр æмæ дипломтæ дæдтыны хъуыддаг университеты кæй у традицион бæрæгбон, фæлæ эпидемиологон уавармæ гæсгæ, ацы хатт бæрæгбон арæзт æрцыд æндæр уавæрты. Кадджын мадзал арæзт æрцыд æппæт санитарон домæнтæ хынцгæйæ.
