Арæзт у Хетæгкаты Къостайы къухуавæры бындурыл
Цæгат Ирыстоны паддзахадон университеты медиацентры бакуыстой ног компьютерон шрифтыл. Арæзт у Хетæгкаты Къостайы къухуавæры бындурыл. Ацы куысты пайда кодтой «Ирон фæндыр»-ы æмдзæвгæты къухфыстытæй. Специалисттæ анализ скодтой 50 æмдзæвгæйæн, цæмæй ссарой Къостайы къухуавæры хицæндзинæдтæ. Зæгъæм, дамгъæты рахизырдæм къул.
Иу хахх иннæйы фæдыл æмæ афтæмæй равзæрынц æххæст дамгъæтæ. Ахæм стилы сæ аразгæ интеллект не скодта, фæлæ Къоста йæхæдæг. Уый у йæ къухуавæр. Æмæ йæ ныр фенæн ис, æрмæст номдзыд поэты къухфыстыты нæ.
Ацы хъуыддаг сæххæст кæнынæн бахъуыд лæмбынæг куыст архивты. Паддзахадон университеты медиацентры разамонæг Анна Суркова скодта анализ ирон литературæйы бындурæвæрæджы 50 æмдзæвгæйæ фылдæрæн. Ахсджиаг уыд, Къостайы къухуавæры хицæндзинæдтæ ссарын.
Дамгъæты ас, сæ къул, æлхъывды тых. Шрифтыл кусгæйæ, хыгъд цыд алцыдæр. Ахуыргæндтæ ма бахъахъхъæдтой революцийы агъоммæйы орфографи. Уымæй пайда кодта Хетæгкаты Къоста.
Анна Суркова – ЦИПУ-йы Медиацентры редактор: «Мы сделали не только те буквы, которыми писал Коста, а он писал дореволюционным шрифтом. Там нет некоторых букв, которые мы сейчас используем и наоборот есть некоторые буквы, которые уже устарели. Например буква «г» с твердым знаком писалась как английская h. Мы добавили эту букву. Не было твердого знака, его просто не использовали. Мы сделали его из перевернутой буквы р с хвостиком, который взяли от «щ».
Уæлдæр ахуыргæнæндоны проект схуыдтой, зындгонд ирон поэт æмæ рухстауæджы кады æмæ культурон хæзнаимæ бастдзинады символ.
Ацы шрифтæй фыссын ис, куыд ирон, афтæ уырыссаг æвзагыл дæр. Спайда кæныны фадат дзы ис алкæмæн дæр. Хъæуы йæ паддзахадон университеты телеграм-каналæй сисын.
