филиал вгтрк государственная телерадиовещательная компания “Алания”

Фарстатимæ билетты бæсты – амалхъом хъазт. Цæгат Ирыстоны паддзахадон университеты «туризмы» къабазы фыццагкурсонтæ раттой фæлварæн ног хуызы.  «Каникулы в Алании», афтæ схуыдтой хъазт. Студенттæ равдыстой, семестрмæ цæуыл сахуыр сты, уый. Ахуырадон процессы тæмæны ахуырдзаутæ адих сты 3 командæйыл, алкæцыдæр сæ бакуыста Ирыстоны туристон маршрутыл. Хатдзæгтæгæнæн куыстæн аргъ кодтой цалдæр пунктмæ гæсгæ: видеопрезентаци, хи проекты презентаци, «суот-анализ», залы фарстатæн раст æмæ бæлвырд дзуæппытæ дæттын зонын. Ахуыргæнæджы бæрæггæнæнæй уæлдай ма, ахуырдзауты куыстытæн аргъ скодта туризмы республикон комитеты сæрдар Дзæрæхохты Ацæмæз.