Номдзыд фысджыты литературон сфæлдыстады иртæстыты докладтимæ раныхас кодтой социалон æмæ гуманитарон иртæстыты институты æмæ паддзахадон университеты ахуыргæндтæ
Цæгат Ирыстоны паддзахадон университеты уыд Джусойты Нафийы 100 азы æмæ Джыккайты Шамилы 85 азимæ баст конференци. Номдзыд фысджыты литературон сфæлдыстады иртæстыты докладтимæ раныхас кодтой социалон æмæ гуманитарон иртæстыты институты æмæ паддзахадон университеты ахуыргæндтæ. Мадзалы архайджытæ уазджытæн радзырдтой поэтты царды фæндаджы тыххæй, сæ ахуырдзаутæ æмæ æмкусджытæ та – сæ мысинæгтæ. Аивæдты факультеты студенттæ бацæттæ кодтой сфæлдыстадон номертæ æмæ бакастысты Нафи æмæ Шамилыл фыст æмдзæвгæтæ. Номарæн конференцийы ма видеобастдзинады фæрцы архайдтой Хуссар Ирыстоны паддзахадон университеты минæвæрттæ.
