филиал вгтрк государственная телерадиовещательная компания “Алания”

Цæгат Ирыстоны пъæлицæйæгтæ сбæрæг кодтой наркотикты æнæзакъон зилдух кæм цыди, ахæм бынат. Фыдгæнæгмæ æдæппæтæй ссардтой 10 тыхтоны наркотиктæ. Баурæдтой йæ Дзæуджыхъæуы уынгтæй иуы рейды рæстæг. Барадхъахъхъæнæг оргæнтæ куыд сбæрæг кодтой, афтæмæй хæдбар паддзахадты æмхæларады цæрджытæй иу наркотиктæ ласта Цæгат Ирыстонмæ. Ам иу сæ бамбæхста бæрæг бынæтты, цæмæй сæ уырдыæй уый фæстæ райса, чи сæ æлхæдта, уый. Радон хатт йе мбæхсæнмæ куы бацыди, уæд фыдгæнæджы æрцахстой. 37 аздзыд нæлгоймагмæ разынди 50 дозæйы наркотиктæ. Уымæй уæлдай ма дзы байстой сæрмагонд барæн дæр.