Уæ зæрдыл уын æрлæууын кæндзыстæм – 30-æм августы Уæрæсейы президент Владимир Путин бавдыста æртæ кандидатурæйы
Цæгат Ирыстоны парламенты комитетты æркастысты, Республикæйы сæргълæууæджы бынатмæ кандидатурæтæм. Уæ зæрдыл уын æрлæууын кæндзыстæм – 30-æм августы Уæрæсейы президент Владимир Путин бавдыста æртæ кандидатурæйы. Уыдон сты Цæгат Ирыстоны парламенты бюджеты æмæ хъалонты комитеты сæрдар Баликъоты Валерий, республикæйы сæргълæууæджы хæстæ рæстæгмæ æххæстгæнæг Сергей Меняйло æмæ депутат Элдзарты Медея. Сергей Меняйло депутаттæн радзырдта йæ куысты фыццаг бæрæггæнæнты тыххæй республикæйы сæргълæууæджы бынаты. Уымæй уæлдай сын радзырдта, регионы ахсджиаг фарстатæ алыг кæныны тыххæй хъуыдытæ. Сергей Меняйлойы хъуыдымæ гæсгæ, республикæйы социалон-экономикон уавæр фæхуыздæр кæнынæн хъæуы бакусын экономикæйы къабазы, стæй паддзахадон æмæ муниципалон разамынды. Уæлдай æргом домынц æнæниздзинадхъахъхъæнынад æмæ ахуырад. Уыцы къабæзты рацарæзты программæтыл ныртæккæ кусынц специалисттæ. Хъæуы бакусын промышленносты райрæзтыл дæр – зæгъы Сергей Меняйло. Уæ зæрдыл уын æрлæууын кæндзыстæм – Цæгат Ирыстоны сæргълæууæджы æвзардзысты 19-æм сентябры – хъæлæс кæныны иумæйаг боны. Парламент равзардзæн, президент кæй бавдыста, уыцы æртæ кандидатурæйæ иу.
