Уыцы гæнæн фæзынд, федералон ахуырадон проект «Профессионалитет»-ы архайды фæрцы
Цæгат Ирыстоны педагогон колледжы цæттæ кæнынц 6 ног лабораторийы байгом кæнынмæ. Уыцы гæнæн фæзынд, федералон ахуырадон проект «Профессионалитет»-ы архайды фæрцы. Сæйраг нысантæй иу у – фæсивæды ргом астæуккаг профессионалон ахуырд райсынмæ. Проект царды рауадзынæн радих кодтой 60 милуан сомы. Ног ахуырадон кластеры тыххæй бæстондæр радзурдзæн Чехойты Фатимæ.
Скъолайы агъоммæйы æмæ райдиан ахуырады 3-æм курсы студенттæ сæ хæслæвæрдтæ æххæст кæнынц зандамонджыты-экспертты разамындæй. Фæлтæрæн равдисдзæн фидæны хъомылгæнджыты æмæ ахуыргæнджыты зонындзинæдтæ.
Скъолайы агъоммæйы æмæ профессионалон ахуырады хайæдтæ æрæджы систы федералон проект «Профессионалитет» -ы иу хай. 60 милуан сомы аргъ гранты руаджы педагогон колледжы бындурыл сараздзысты ахуырады тыгъдад. Уыдзæн дзы 6 лабораторийы. Уыдонæн се *рдæг хаудзысты скъолайы агъоммæйы ахуырадмæ, æмæ баст уыдзысты сывæллæтты æнæниздзинад фидар кæнынимæ.
Ахуырадон тыгъдад æрбынат кæндзæн ног цалцæггонд бæстыхайы – æппæт куыстытæ хъуамæ фæуой тагъд рæстæг. Райдзаст кълæстæ æмæ нырыккон техникон фæрæзтæ. Уыдонимæ интерактивон фæйнæджытæ, 3D принтертæ, специалисттæ ахуыр кæнынæн хъæугæ сæрмагонд техникон фæрæзтæ.
Ног ахуырады тыгъдады ма кусдзысты 2 лабораторийы, райдиан ахуырады нырыккон технологитæ кæм амондзысты, ахæмтæ. Студенттæ та исдзысты полилингвалон ахуырад. Ахуыргæнæндоны арæзт цæуынц ног фадæттæ, йæ дæсныйад чи уарзы, уыцы æрыгон адæмæн.
Колледжы куыд зæгъынц, уымæ гæсгæ педагогон æхсæнад нырыккон астæуккаг профессионалон ахуырадмæ дары сæрмагонд цæстæнгас. Ныртæккæ ахуыргæнæндоны цæуынц сæйраг ивддзинæдтæ. Федералон проект «Профессионалитет» – уыдонæн æххуыс.
