Республикæйы æххæстгонд цæуы национ проект «Демографийы» программæ «Хистæр фæлтæр»
Дзæбæхгæнæн физкультурæ, ленк кæнын æмæ скандинавон цыд ахуыр кæнын, экскурситæ, музейтæ æмæ театртæм лæвар цæуын – Цæгат Ирыстоны пенсиисджытæн арæзт цæуынц хорз фадæттæ цæрынæн æмæ фæлладуадзынæн. Республикæйы æххæстгонд цæуы национ проект «Демографийы» программæ «Хистæр фæлтæр». Уый руаджы ацæргæ адæм сæ уæгъд рæстæг æрвитынц зæрдæйы фæндонмæ гæсгæ. Ацы программæйы кæй бон у архайын, уый тыххæй бæлвырддæр радзурдзæн Чехойты Фатимæ.
Талынг агъуыст, фæлмæн бандæттæ, сæйрагдæр та – цымыдисаг киноныв. Кинотæм кæсын у программæ активон цардыуаджы хай. Ацæргæ адæм ам сæ бонтæ æрвитынц, алыхуызон цымыдисаг мадзæлтты архайгæйæ. Иутæ фæкæсынц кинонывтæм, иннæтæ уарзынц стъолыл хъæзтытæ, чидæртæ та фæисынц психологон æххуысс.
Ацы центртæ пенси исджытæн æрмæст сæ уæгъд рæстæг æрвитынæн арæзт не сты. Сæйрагдæр у хистæр кары адæмæн саразын, хи бинонты хуызæн, хъæрмуд ахастдзинæдтæ. Дзурынц сæм фæлмæнæй, дарынц сæм уарзон цæстæнгас. Куыстуаты ма кæнынц медиционон æххуыс дæр. Ацæргæ адæм ам фæхуыздæр кæнынц се *нæниздзинад.
Центры куысты сæрмагонд бынат ахсы социалон туризм. Уый у хорз фадат хистæртæн сыгъдæг уæлдæфы атезгъо кæнынæн. Сæ уарзондæр бынæттæй иу у сылгоймæгты моладзандон. Аив æмæ зардæмæдзæугæ территорийы банкъарынц æрдз æмæ Хуыцауимæ иудзинад.
Националон проект «Демографи»-йы программæ «Хистæр фæлтæр» царды æххæстгонд цæуы дæс азы. Азæй – азмæ йæм хаст æрцæуынц ногдзинæдтæ. Нæ ивы æрмæстдæр йæ нысан – хистæр кары адæмæн сæ цард ирд цаутæй срæсугъд кæнын.
Ахæм центрты куысты сæйрагдæр у – алы бон дæр хистæр фæлтæрæн аразын хорз фадæттæ зæрдæрухс цардæн. Адæмы фæлмæн ахаст æмæ уарзон цæстæнгас уыдонæн хæссынц уæлдай æхсызгондзинад.
