Рейды мадзæлттæ арæзт æрцыдысты Архонкæмæ фæндаджы фæзилæны
Цæгат Ирыстоны промышленносты æмæ транспорты министрад дарддæр йæ цæст дары æхсæнадон транспорты куысты фæткмæ. Бæрнон ведомствойы специалисттæ радон хатт рацыдысты рейды, цæмæй сбæрæг кæной, æхсæнадон транспорты шофыртæ æмæ бæлццæттæ маскæтæ дарынц, æви нæ, уый. Рейды мадзæлттæ арæзт æрцыдысты Архонкæмæ фæндаджы фæзилæны. Уым урæдтой маршрутон такситæ, æмæ кастысты, æдасдзинады мадзæлттæ куыд æххæстгонд цæуынц, уымæ. Фæткхалджытимæ кодтой профиалктикон куыст, цæмæй сæхи бахизой æфхæрæн мадзæлттæй. Промышленносты æмæ транспорты министрады сæйраг специалист-эксперт Хъаныхъуаты Сергей куыд радзырдта, афтæмæй рейдтæ арæзт цæуынц фæндæгтыл æдасæй цæуыны паддзахадон инспекцийы кусджытимæ иумæ. Абоны онг фæткхалджыты тыххæй тæрхондонмæ барвыстой 30 административон хъуыддаджы.