Хъæлæсгæнджыты нымæц уыди 61 мин адæймагмæ хæстæг
Цæгат Ирыстоны рагагъоммæйы хъæлæс кæныны хатдзæгтæм гæсгæ фыццаг рæнхъытæм рацыдысты паддзахадон Думæйы ныртæккæйы депутаттæ. Таймазты Артур æрæмбырд кодта 38 мины 9 сæдæ иу хъæлæсы, Мæхъиты Зураб та 46 мины 7 сæдæ æхсай аст хъæлæсы. Хъæлæсгæнджыты нымæц уыди 61 мин адæймагмæ хæстæг. Парти «Иугонд Уæрæсе»-йы рагагъоммæйы хъæлæс кæныны бонтæ æппæт Уæрæсейы цыдысты электрон форматы 23-æй 30-æм маймæ. Праймеризы æдæппæтæй архайдтой 17 адæймаджы. Кандидаттæ уыдысты куыд иу мандатон зылды, афтæ хыгъдмæ гæсгæ дæр. Паддзахадон Думæмæ кандидаттæй уæлдай, æвзарджытæ хъæлæс кодтой, 19-æм сентябры хъæлæс кæныны иумæйаг бон партийы номæй чи архайдзæн, уыдоны дæр. Сфидар кодтой, æвзæрстытæ кæм цæудзысты, уыцы муниципалон зылдты номхыгъд.