22 августа 2024, 11:10
Цæгат Ирыстоны райдыдта æппæтадæмон турнир футболæй
Баст у Советон Цæдисы иугонд командæйы футболист Цхуырбаты Гурамы ном ссарынимæ.
Уыди Цхинвалы футболы скъолайы спортсмен. Турнир цæуы сывæллæтты спортивон скъола «Юность»-ы. Фыццаг къæпхæн арæзт уыди 6 матчæй. Алкæцыйæ дæр дзы бæрæг уыдзæни, радон къæпхæнмæ чи бацæудзæн, уый. Турниры архайынц Цæгат æмæ Хуссар Ирыстоны, Краснодары крайы æмæ иннæ регионтæй командæтæ. Фæсивæд архайынц уæлахиз æрхæссыныл. Фæлтæрдджын тренерты фæрцы зæрдæ дарæн ис, сæ къухы æнтыстдзинæдтæ кæй бафтдзæн, ууыл. Турнир ахæсдзæн æртæ боны. Финалон хъæзтытæ та уыдзысты райсом.
темæмæ гæсгæ
