Æвзарæн къæпхæн ацæудзысты 100 адæймаджы
Цæгат Ирыстоны райдыдта æрыгон педагогты профессионалон дæсныйады конкурс «Класс». Æвзарæн къæпхæн ацæудзысты 100 адæймаджы. Фæстæдæр сæ арæзт æрцæудзæн 10 командæйы. Уыдонæн арæзт æрцæудзысты дæсныйадæвдисæг ахуыртæ æмæ гом уроктæ. Конкурсы финалисттæ та ерысы иу хай арвитдзысты Цъæйы. Конкурсы уазджытæ суыдзысты раззагдæр федералон тренертæ педагогикæйы къабазы, мæскуыйаг скъолаты директортæ, стæй Æппæтуæрæсеон конкурс “Учитель года»-йы уæлахиздзаутæ. Конкурсы архайынмæ курдиат бадæттæн ис 12-æм октябрьмæ электрон адрисмæ: class@my-startup.ru. Бафыссын дзы хъæуы мыггаг, ном æмæ фыды ном, райгуырды бæрæггæнæнтæ, чырæ телефоны номыр, куысты бынат, стаж стæй дæсныйады иумæйаг стаж. Проект æххæст кæны Ахуырадон центр “Стартап”. Баххуыс ын кодтой президенты гранттæ дæттыны Фонд, фæсивæды хъуыддæгты Федералон агентад, Цæгат Ирыстоны ахуырады æмæ наукæйы министрад, ахуырады кусджыты фæлтæрддзинад фылдæргæнæн институт, Дзæуджыхъæуы муниципалон сконд æмæ ахуырады Управлени.
