Æрыдоны районы автоинспектортæ шофыртæн радзырдтой дардмæ цæстфæлдахæн миты тыххæй, æмæ сæ хи бахъахъхъæныны мадзæлтты тыххæй
Цæгат Ирыстоны райдыдта егъау акци «Стоп, мошенники». Æрыдоны районы автоинспектортæ шофыртæн радзырдтой дардмæ цæстфæлдахæн миты тыххæй, æмæ сæ хи бахъахъхъæныны мадзæлтты тыххæй. Фæстаг рæстæг Уæрæсейы сарæх сты интернеты уылты цæстфæлдахæн митæ. Районы скодтой информацион акци. Мадзал æххæстгæнгæйæ, инспектортæ шофыртæн байуæрстой зæрдылдарæнтæ. Адæм бузныг загътой ахæм ахадгæ профилактикон акцийы тыххæй. Инспектортæ курынц цæрджытæй, цæмæй телефоны, кæнæ социалон хызты уылты æхца чи домы, арæх сæхи схонынц алыхуызон организациты кусджытæ, уыдоныл ма æууæндой, æмæ сын æхца арвитыны размæ сбæрæг кæной, чи æмæ кæцæй дзуры, уый. Кæд æмæ адæймаг сайды бахауа, уæд та æвæстиатæй хъуамæ бадзура пъæлицæмæ.
