Архайы дзы 200 коллективы онг.
Цæгат Ирыстоны райдыдта фæсивæды æмæ сывæллæтты национ театрты республикон фестиваль «Амыраны рухс». Архайы дзы 200 коллективы онг. Сæ арæхстдзинад æвдисынц 6 номинацийы — драмон спектакль, ирон аргъау, аив дзырд, эстрадон–сатирикон миниатюрæ, фольклорон æвæрдтытæ æмæ сфæлдыстадон эксперимент. Исценировкæтæ æвæрд сты æрмæстдæр ирон æвзагыл. Уый у фестивалы сæйраг домæнтæй иу. Мадзал арæзт цæуы дыууæ къæпхæнæй. Фыццаджы районты иртасынц хъæуты курдиатджындæрты. Уыдон та сæхи бафæлвардзысты республикон æмвæзады. Ныридæгæн сæхи бафæлвæрдтой Æрæфы, Рахизфарсы, Æрыдоны æмæ Дыгуры районты фæсивæд. Фестивалы кæронбæттæн хатдзæгтæ скæндзысты 23-æм мартъийы. Уæд уæлахиздзауты схорзæхджын кæндзысты, стæй арæзт æрцæудзæн стыр концерт.
