Къуырийы дæргъы институты минæвæрттæ се мкусджытимæ Цæгат Ирыстоны паддзахадон университетæй æмæ Цæгат Кавказы хæххон-металлургон институтæй араздзысты профориентацион æмæ наукон-иртасæн мадзæлттæ
Цæгат Ирыстоны райдыдта Курчатовы ахуырадон форум. Йæ байгом кæныны кадджын мадзалы архайдтой республикæйы разамонæг Сергей Меняйло, Хетæгкаты Къостайы номыл паддзахадон университеты ректор Огъуаты Алан æмæ Курчатовы институты департаменты директор Павел Аркатов. Къуырийы дæргъы институты минæвæрттæ се мкусджытимæ Цæгат Ирыстоны паддзахадон университетæй æмæ Цæгат Кавказы хæххон-металлургон институтæй араздзысты профориентацион æмæ наукон-иртасæн мадзæлттæ. Скъоладзаутæн бацæттæ кодтой дæсныйадæвдисæг ахуыртæ химийæ, биологийæ, астрономийæ æмæ программированийæ. Уыдзæн ма 3 наукæйы турнир Цæгат Ирыстоны сæргълæууæджы кубок рамбулынмæ. Форум арæзт у æхсæнад «Знание»-имæ иумæ. Ныртæккæ Цæгат Ирыстоны кусы Курчатовы 4 рагпрофилон къласы республикæйы скъолаты бындурыл. Иу ма архайы Цæгат Кавказы хæххон-металлургон институты. Кадджын уавæры байгом кодтой ахуырадон фæз «Цæгат Ирыстоны паддзахадон университеты Курчатовы кълас».
