Се нæниздзинадмæ гæсгæ, сæ гæнæнтæ сæ зæрдæйы фæндон кæмæн не сты, уыцы адæмы хсæн
Цæгат Ирыстоны райдыдта 5-æм профессионалон дæсныйады чемпионат «Абилимпикс»-ы регионалон къæпхæн. Се нæниздзинадмæ гæсгæ, сæ гæнæнтæ сæ зæрдæйы фæндон кæмæн не сты, уыцы адæмы хсæн. Æртæ боны архайдзысты 11 дæсныйады æппæтуæрæсеон къæпхæнмæ ацæуыныл Мæскуымæ. Чемпионат цæуы цыппар ахуыргæнæндоны: базарадон-экономикон техникумы, электроникæйы колледжы, 5-æм профессионалон училищæйы, стæй аграрон-технологон колледжы. Сæ дæсныйад равдисынæй уæлдай ма, чемпионаты архайджыты бон у алыхуызон фембæлдтыты æмæ дæсныйадæвдисæг ахуырты архайынæн. Бæлвырддæр радзурдзæн Гуытъиаты Алинæ.
Фæндзæм училищейы дыккæгæм курсы студент Гæбæлаты Алексей фарон ссис конкурс «Абилимпиксы» регионалон къæпхæны уæлахиздзау «Сваркæйы» компетенцийы. Ацы аз лæппу йæ тыхтæ фæлвары æндæр къабазы
Ацы аз мадзалы архайынц æвдай авд адæймаджы – уыдонæй 69 студенттæ, фондз специалисттæ, фондз та скъоладзаутæ. Цыппар фæзуатыл ерыс кæнынц иуæндæс компетенцийы. Архайджытæ сеппæтдæр сты, сæ æнæниздзинад хъыгдард кæмæн у, уыдон.
Ислам Алексеев конкурсы архайы дыккаг хатт. Йæхи фæлвары фæрдгуытæй аивгæнæнтæ аразыны. Йæ хъуыдымæ гæсгæ йæм уыцы куыст æвзæрын кæны æхсызгон æнкъарæнтæ.
Æфсæйнаг æндандзыны компетенцийы ерыс кæнынц фондз адæймаджы. Бæрæг у, сæ куыст сæ зæрдæмæ кæй цæуы, уый – архайынц зæрдæрухс æмæ разæнгардæй.
Конкурсы архайджытæм æдзух цæст дарынц бархионтæ, мыййаг истæмæй куы стыхсой æмæ сæ æххуыс куы бахъæуа.
Абилимпиксы æвдæм национ чемпионаты ерыс кæндзысты дыууæ мины æмæ фондзсæдæ адæймаджы Уæрæсейы æстай фондз регионæй.
