Ацы аз сывæллæттæн равдыстой, мультипликацион кинонывтæ куыд аразынц, уый
Цæгат Ирыстоны райдыдта рагагъоммæй профориентацион федералон проект «Фидæнмæ билет»- ы 5-æм сезон. Ацы аз сывæллæттæн равдыстой, мультипликацион кинонывтæ куыд аразынц, уый. Радзырдтой сын киберспорт æмæ программированийы тыххæй дæр. Куыстдæттæг организациты архайд у ног сезоны хицæндзинадтæй иу. Цы хъæуы фидæнмæ билет райсынынæн, уый тыххæй радзурдзæн Чехойты Фатимæ.
Куклайы уд бауадзын цымыдисаг хъыддаг у, уæддæр хуымæтæг нæу. Къамисæн ахсы алы фезмæлд дæр. Цæмæй анимаци куыд æмбæлы, афтæ рауайа, уый тыххæй хъуамæ иу уысмы 25 къамæй къаддæр ма уа. Мультипликацион кинонывтæ исыны сусæгдзинæдтæ Дзæуджыхъæуы 39-æм скъолайы ахуырдзаутæн раргом кодтой рагагъоммæйы профессионалон цæттæдзинады Центры.
Цæгат Ирыстоны райдыдта профориентацион федералон проект «Фидæнмæ билет «-йы 5-æм сезон. Дæсныйад æвдисæг ахуыртæ мультипликацион кинонывтæ исынæй сты проекты ацы азы ногдзинадтæй иу. Мультипликацион киноныв сисыныл фархайынц алыхуызæн дæсныйæдтыл хæст адæм – хъæдæрмæгæй персонажты гуыртæ чи саразы, уыцы æрмдæснытæй райдай æмæ звукорежиссертæй фæуы.
6-æм къласы ахуыргæнинæгтæн радзырдтой киберспорты æмæ программированийы тыххæй. Алчидæр базонгæ IT- технологиты дунеимæ. Ныры рæстæджы ахæм специалистты зонындзинæдтæ хъæугæ сты алы къабазы дæр.
Профориентацион проект æххæстгонд цæуы 5 азы. Уыцы рæстæгмæ йæ архаджытæ систы республикæйы 28 мин скъоладзауы.
Нæ республикæйæ алы аз дæр проект «Фидæнмæ билет»-ы архайджытæ свæййынц 865 адæймаджы. Куыстдæттæг организацитимæ æмгуыстдзинад дæр у ног сезоны хицæндзинад. Ахуырты кæрон сывæллæттæ райсдзысты сæрмагонд гæххæтт фидæны професси равзарынæн амынддзинæдтимæ.
