14 августа 2019, 12:41
Цæгат Ирыстоны райдыдтой цæттæ кæнын адæмы æппæтуæрæсеон æрфыстмæ
Ацæудзæнис 2020 азы, октябры
Цæгат Ирыстоны райдыдтой цæттæ кæнын адæмы æппæтуæрæсеон æрфыстмæ. Ацæудзæнис 2020 азы, октябры. Цæгаткавказстаты пресс-службæ куыд хъусын кæны, афтæмæй августы нæ республикæйы райдыдтой кусын, сæрмагонд ахуыртæ чи ацыд, ахæм регистратортæ. Нудæсæмæй æвддæсæм сентябрмæ уыдон æрдзилдзысты æппæт хъæутæ æмæ горæттыл, цæмæй феной, хæдзæртты адристæ номхыгъды бæрæггæнæнтимæ æмхуызон сты æви нæ, уый. Æрфысты размæ хъуамæ районты хицауад аиуварс кæна, регистратортæ цы аиппдзинæдтæ сбæрæг кæной, уыдон.