Ахæм хæс Хицауады сæрдар Дзанайты Барис радта муниципалон скондты сæргълæуджытæн
Цæгат Ирыстоны районтæ хъуамæ кусой бынæттон бюджетты æфтиæгтæ фæфылдæр кæныныл. Ахæм хæс Хицауады сæрдар Дзанайты Барис радта муниципалон скондты сæргълæуджытæн. Ныхас цыди районты бюджеттыл хæстæгдæр æртæ азæн. Æмбырды архайдтой финансты министры хæстæ æххæстгæнæг Исахъты Олег, республикæйы хъалонты службæйы минæвæрттæ, районты финансон управлениты разамонджытæ. Дзанайты Барис зæрдыл æрлæууын кодта, бынæттон бюджеттыл ахадгæ куыстæй аразгæ сты районы дарддæры рæзт æмæ йæ цæрджыты царды уавæртæ. Хицауады сæрдар разамонджыты ргом аздæхта æппæт социалон хæстæ æххæст кæнынмæ бæрнондæр цæст æрдарынмæ. Премьер финансты министрадæн радта хæс, бынæттон бюджеттыл кусгæйæ, муниципалитетты домæнтæ хынцын.
