Акцийы архайджытæ колоннæйæ цæугæйæ, патрулон экипажтимæ æрзылдысты республикæйы сæйраг фæндæгтыл
Цæгат Ирыстоны паддзахадон автоинспекцийы кусджытæ æмæ Ирыстоны мото-клуб иумæйаг хъарутæй расидтысты машинæтыл æдасдзинады дугъ республикæйы фæндæгтыл. Акцийы архайджытæ колоннæйæ цæугæйæ, патрулон экипажтимæ æрзылдысты республикæйы сæйраг фæндæгтыл. Маршрутмæ хаст æрцыд Беслæны мемориал «Зæдты горæт». Уым машинæтыл дугъы архайджытæ дидинджытæ сæвæрдтой Хъыджы бæласы монументыл. Фæстæдæр машинæтæ абалц кодтой Тæмискъмæ. Автомобилон дугъ фæци мемориалон комплекс «Барбашовы фæз»-ы. Фæндаггон акци арæзт у сæрмагондæй æдасдзинады тыххæй, стæй алыхуызон транспорты шофырты культурæ фæхуыздæр кæныны, фыдбылызтæ фæкъаддæр кæныны æмæ бæрнондзинад фæуæлдæр кæныны тыххæй.
