Бæрæгбоны арфæтæ сын ракодта Цæгат Ирыстоны сæргълæууæг Битарты Вячеслав.
Нæ дарддæры æрмæг та баст у йæ цард ахуыргæнæджы дæсныйадимæ чи сбата, уыдонимæ. Æрвылаз сын сæ профессионалон бæрæгбоны агъоммæ республикæйы разамынд æмæ ахуырады министрад саразы кадджын мадзал. Ацы хатт дæр та, афтæ. Ахуыргæнджыты бæрæгбоны уыд не сфæлдыстадон къорд дæр, ныхасы бар Сосранты Жаннæйæн.
Цæгат Ирыстоны сæ профессионалон бæрæгбоны агъоммæ схорзæхджын кодтой республикæйы хуыздæр ахуыргæнджыты. Бæрæгбоны арфæтæ сын ракодта Цæгат Ирыстоны сæргълæууæг Битарты Вячеслав.
Ацы аз йæ куыст бæрæг кæмæн дардта, уыцы рухстауджытæ республикæйы сæргълæууæджы къухтæй райстой хæрзиуджытæ. Сæ æввæлайгæ куысты тыххæй республикæйы кады гæххæттытæ радтой æртæ ахуыргæнæгæн, авдæн та «РЦИ-А» сгуыхт кусæджы нæмттæ. 67 –æм рæвдауæндоны сæргълæууæг Цыбырты Тамарæйæн та лæвæрд æрцыд «Ирыстоны намысы » Майдан.
Парламенты грамотæтæй та схорзæхджын кодтой, сæ профессионалон бæрæгбоны республикæйы скъолаты авд минæвары. Кадджын мадзалы рæстæг ма раргом кодтой ахуырады къабазы æрвылазон конкурсты уæлахиздзауты нæмттæ. Афæдзы ахуыргæнæджы номы аккаг сси Мæздæджы 2-æм скъолайы англисаг æвзаджы ахуыргæнæг Иванова Ольга Александровна, ныридæгæн архайы конкурсы федералон къæпхæны, æмæ йын нæ бантыст йæ диплом райсын.
Уыимæ ма схорзæхджын кодтой республикон конкурстæ «Лидер дошкольного образования», «Мой любимый учитель», «Мой наставник»-ы уæлахиздзауты. Цæгат Ирыстоны ахуырад æмæ наукæйы министрады грамотæтæ дæр лæвæр æрцыд республикæйы алы æмвæзадыл ахуыргæнæндæдты ахуыргæнджытæн.
Уæдæ бæрæгбон æнæ сфæлдыстадæй дæр нæ фидауы, бæрæгбонмæ æрбацæуджыты зæрдæтæ бахъæлдзæг кодтой Цæгат Ирыстоны музыканттæ. Уæвгæ ацы бæрæгбон адæмы зæрдæты байзайдзæн йæ хицæндзинадæй- никуы ма уыди ахуырады министр , амонæджы ролы уа. Тынг Зæрдиагæй кæй бакуыста мадзал саразыныл Людмилæ Башаринæ, уый бæрæг дардта. Уæвгæ адæймаг йæ цард ахуыргæнæджы дæсныйадимæ куы сбæдта, уæд æвæццæгæн йæ зæрдæйы æнкъарæнтæ æндæр хуызон вæййынц…
