филиал вгтрк государственная телерадиовещательная компания “Алания”

Цæгат Ирыстоны сæргълæууæджы кубок рамбулыны ерысты республикон къæпхæн волейболæй чызджыты æмæ лæппуты хсæн райдыдта Дзæуджыхъæуы спортивон цæттæдзинады центры. Архайынц дзы 20 командæйы республикæйы алы скъолатæй, 8 командæйы районтæй æмæ фæйнæ иу командæйы горæты Рахизфарсы æмæ Галиуфарсы префектурæтæй. Æдæппæтæй сæ спортивон арæхстдзинад æвдисынц 240 адæймаджы. Ерыстæ сты æрвылазон. Сарæзтой сæ ахуырады æмæ наукæйы, стæй физкультурæ æмæ спорты министрадтæ республикæйы сæргълæууæг Сергей Меняйлойы хæслæвæрдмæ гæсгæ.