Битарты Вячеслав раарфæ кодта уазджытæн, æмæ бафиппайдта, нæ республикæйы цæрджыты 95% ифтонг кæй сты ацы æрдзон хорзæхæй.
Цæгат Ирыстоны сæргълæууæг æмæ компани «Газпром межрегионгаз»-ы разамынд æрдзырдтой республикæйы газы системæйы райрæзтыл.
Битарты Вячеслав раарфæ кодта уазджытæн, æмæ бафиппайдта, нæ республикæйы цæрджыты 95% ифтонг кæй сты ацы æрдзон хорзæхæй. Уыимæ фæнысан кодта, фæлхасгæджытæ газæн хуыздæр фидын кæй райдыдтой, хъусдард цæуы, цæмæй афæдзы кæронмæ æппæт хæстæ æхгæд æрцæуой. «Газпром межрегионгаз»-ы генералон директор Сергей Густов республикæйы разамынды ргом аздæхта уымæ, æмæ газуадзæн хæтæлтæн сæ иу хайы эксплуатацийы рæстæг фæцис æмæ сты ивинаг. Ис ма ахæм хызæгтæ, æмæ сæ лæггад куыд æмбæлы, афтæ æххæстгонд нæ цæуы. Стæй цъæх арты хæтæлтæ электрохимион буаргъæдтæй хъахъхъæд кæй не сты, уымæ гæсгæ тæссаг сты аваритæ æрцæуынæй.
