Спорты стыр сгуыхтдзинæдты тыххæй Битарты Вячеслав ирыстойнаг спортсментæн æмæ сæ тренертæн радта æхцайы сертификаттæ
Цæгат Ирыстоны сæргълæууæг фембæлд уæгъдибар хъæбысхæстæй дунейы чемпионаты уæлахиздзаутимæ æмæ призертимæ. Уæ зæрдыл уын æрлæууын кæндзыстæм, ацы аз цыди Казахстаны. Архайдтой дзы 500 спортсмены 79 бæстæйæ. Уæрæсейы иугонд командæйæн 2 сызгъæрин майданы рамбылдтой Байаты Давид æмæ Сидахъаты Зауырбег. Бронзæ майданы хицау та сси Найфонты Артур. Битарты Вячеслав сын раарфæ кодта, æмæ загъта, стыр спорты уæлахизтæ æнцонтæй кæй не рцæуынц. Уымæ гæсгæ уæлдай бузныг Ирыстоны кад уæлдæр кæй кæнут, уый тыххæй, загъта республикæйы разамонæг. Спорты стыр сгуыхтдзинæдты тыххæй Битарты Вячеслав ирыстойнаг спортсментæн æмæ сæ тренертæн радта æхцайы сертификаттæ. Уымæй дарддæр ма дунейы чемпион Байаты Давидæн радта ног фатерæй дæгъæлтæ. Спортсментæн ма арфæтæ ракодтой вице-премьер Азымты Иринæ, стæй физкультурæ æмæ спорты министр Хуыгаты Алан.
