Зындгонд балеринæ цæгатирыстойнаг аивадуарзджытæн бацæттæ кодта программæ «Мæ фыд – Марис Лиепа»
Цæгат Ирыстоны Сæргълæууæг Сергей Меняйло фембæлд Уæрæсейы адæмон артисткæ Илзе Лиепаимæ. Зындгонд балеринæ цæгатирыстойнаг аивадуарзджытæн бацæттæ кодта программæ «Мæ фыд – Марис Лиепа». Моноспектакль баст у 20-æм æнусы зындгонддæр кафæг, Советон Цæдисы адæмон артист, Ленины номыл премийы лауреат Марис Лиепайы цард æмæ сфæлдыстадимæ. Илзе Лиепа ацы бонты уыди Дзæуджыхъæуы Евгенийы Вахтанговы хæдзар-музейы уазæг. Куыд зонæм, афтæмæй Вахтанговы хæдзар сног кодтой 2023-æм азы, зындгонд режиссеры 100 азы бонмæ. Æмæ дыууæ азмæ сси æцæг культурон центр. Рæстæгæй-рæстæгмæ йæ сценæйы фенæн ис, куыд нæ республикæйы, афтæ Уæрæсейы æмæ дунейы æндæр бæстæты аивады курдиатджындæр минæвæртты.
