Æххуысагур æм æрбацыд 11 адæймаджы
Цæгат Ирыстоны Сæргълæууæг Сергей Меняйло Уæрæсейы Президенты исæнуаты фембæлд республикæйы цæрджытимæ. Æххуысагур æм æрбацыд 11 адæймаджы. Зæгъæм, Дур-Дуры цæрæг Гаматы Барис ракуырдта, цæмæй сæ хъæуы арæзт æрцæуа спортивон зал. Дыгуры районы администрацийы сæргълæууæг Цагъаты Сослан куыд загъта, афтæмæй фарстайыл куыст цæуы. Паддзахадон программæмæ гæсгæ спортивон зал 50 адæймагæн аразын райдайдзысты 2025-æм азы. Гæдзацаты Фатимæйы курдиат та баст уыди Кæрдзыны хъæуы бынæттон скъола сцалцæг кæныимæ. Дзгойты Изаурæ та ракуырдта Рæмонты хъæуы скъола сцалцæг кæнын. Базилдзысты ма Змейкæйы, Цыколайы æмæ Дзæуджыхъæуы цалдæр уынгты фæндæгтæм. Сергей Меняйло бабар кодта æппæт курдиæттæм бæстон æркæсын, æмæ хатдзæгты тыххæй фехъусын кæнын.
