Райдыта, минут æдзæмæй алæугæйæ
Цæгат Ирыстоны сæргълæууæг Сергей Меняйлойы разамындæй арæзт æрцыд æрвылкъуырион аппаратон æмбырд. Райдыта, минут æдзæмæй алæугæйæ. Афтæмæй æрымысылдысты, 22-æм мартъийы теркаты чи фæмард, уыдоны рухс нæмттæ. Регионы разамонæг фæнысан кодта æмæ хорзыл банымадта тыхы структурæты куыст. Уыдон ацы бонты уæлдай тынгдæр архайдтой республикæйы цæрджыты æдасдзинадыл. Уыимæ алы уавæртæм цæттæдзинады фæтк цæудзæн, цалынмæ бæлвырд уынаффæ хаст не рцæуа, уæдмæ. Сергей Меняйлойы уынаффæмæ гæсгæ, Цæгат Ирыстоны æппæт территорийы фæкарздæр кодтой æдасдзинады æмæ терроризмы ныхмæ мадзæлттæ. Сæйрагдæр та хъæуы сæрмагонд ахуыртæ снысан кæнын, стæй администрацитимæ æмæ базарадон центрты бæрнон службæтимæ æнæнхъæлæджы уавæрты архайдыл бакусын. Алцыдæр хъуамæ уа домæнтæм гæсгæ, – загъта республикæйы сæргълæууæг. Зæгъын ма хъæуы уый дæр, æмæ Цæгат Ирыстоны уæлдай хъахъхъæд цæуынц инфраструктурæйы объекттæ, стæй бирæ адæм кæм æмбырд кæнынц, ахæм бынæттæ. Республикæйы арæнты æмæ Дзæуджыхъæуæй рацæуæнты рад хæссынц пъæлицæйы экипажтæ. Аварион æмæ æндæр службæтæ рахызтысты карздæр куысты фæткмæ. Регионы разамонæг ма бабар кодта куыстуат «Газпром межрегионгаз Владикавказ»-æн æмæ цæрæнуæтты-коммуналорн хæдзарады, артаджы æмæ энергетикæйы министрадæн, газ уадзыны социалон программæйыл бæстон бакусын. Хъуамæ йæм хаст æрцæуой цæхæрадæтты æмбаладтæ. Аппаратон æмбырды ма Сергей Меняйло байхъуыста докладтæм, социалон ахадындзинад кæмæн ис, уыцы объекттæн конракттæ аразыныл.
