Профессионалон бæрæгбон ацы аз æрхауди юбилеимæ иумæ
Цæгат Ирыстоны сбæрæг кодтой уæлдæфон флоты бон. Профессионалон бæрæгбон ацы аз баиу сæ юбилеимæ. Дзусты Ибрагимы номыл Дзæуджыхъæуккаг авиацион-спортивон клубыл сæххæст 85 азы. Мадзалы спайда кодтой æппæт авиацион техникæйæ, реактивон хæдтæхæгæй фæстæмæ. Æрбацæуджытæ федтой мотодельтоплантæ, планертæ, аэрошюттæ æмæ парашюттыл архайд. 85 азмæ клубы хæрзиуджыты къæбицы æрæмбырд бирæ уæлахизты æвдисæндартæ. Аэродромы дыууæ хатты арæзт æрцыди Советон Цæдисы турниртæ парашюттимæ гæпп кæнынæй. Бæрæгбоны архайдтой сыхаг республикæты тæхджытæ дæр. Фидараты Маринæ радзурдзæн бæлвырддæр.
Юрий Леонов уæлдæфон тыгъдад басгарыны фæнд скодта 1974-æм азы. Æнæ моторæй тæхæн аппараты сбадын та уыд йæ сабибонты бæллиц. Юрийæн планерыл атæхын уыд денджызмæ науыл балцы хуызæн.
Сæдæгай километртæ æмæ зын элементтæ. Пилоты дæсныдзинадыл дзурæг у, цас дард атахти, уый. Уæвгæ, уæлдæфон флоты бон уæларвмæ канд планертæ не стахтысты. Зæгъæн ис, æмæ Дзæуджыхъæуы аэроклубы æппæт авиатехникæ дæр ацы бон æвдыста йæ архæстдзинад. Зæххыл баззад æрмæстдæр реактивон хæдтæхæг. Профессионалон бæрæгбон ма баиу клубы юбилеимæ. Сæххæст ыл 85 азы.
Бæрæгбоны авиашоуы программæйы ма прашюттимæ гæппытæ. АН-2-йы фæлтæрдджын æмæ æрыгон спортментæ.
Цымыдисаг программæмæ бакасынмæ æрбацыд бирæ адæм. Чи зоны, æмæ дзы искæмæн ардыгæй райдайдзæн авиацимæ фæндаг.
Нæ бæстæйы рагондæр аэроклубæн ис хъæздыг истори. Йæ 15 хъомылгæнинаджы систы Советон Цæдисы хъæбатыртæ.
Ныртæккæ клубы раздæры кад раздахыныл архайынц йæ уæнгтæ. Уыимæ йын æгæрон лæггад кæнынц зæххыл дæр, æмæ уæлдæфы дæр. Зæгъым, парашютисттæ сæхи цæттæ кæнынц Уæрæсейы ерыстæм. Уыдзысты сентябры, Махачкалайы.
