Концерттæ, дæсныйадæвдисæг ахуыртæ, сфæлдыстадон фембæлдтытæ арæзт æрцыдысты, фестиваль «Сфæлдыстады дуне æнæ арæнтæй» æххæст кæнгæйæ
Цæгат Ирыстоны сфæлдыстадон коллективтæ аивадон балцы уыдысты Абхазы. Концерттæ, дæсныйадæвдисæг ахуыртæ, сфæлдыстадон фембæлдтытæ арæзт æрцыдысты, фестиваль «Сфæлдыстады дуне æнæ арæнтæй» æххæст кæнгæйæ. Йæ саразыны хъæппæрис разынд Уæрæсейы культурæйы Министрадмæ. Царды йæ сæххæст кæныныл та бакуыста Цæгат Ирыстоны Æхсæнадон музыкалон фонд. Æппæт аивадон мадзæлттæ ацыдысты Абхазы паддзахадон филармонийы. 10 бонмæ равдыстой 11 мадзалы. Се хсæн – этникон ансамбль «Рагон»-ы концерт. Йæ аивадон разамонæг Берозты Таймураз. Уымæй дарддæр се сфæлдыстад балæвар кодтой – дæнцæгæн хæссинаг адæмон инструментты ансамбль, фæндырдзæгъдджыты трио «Амыран». Уыдысты дзы дæсныйадæвдисæг ахуыртæ, сфæлдыстадон фембæлдтытæ. Архайдтой дзы Абхазы адæмон артисткæ Роза Чамагуа, Цæгат Ирыстоны культурæйы сгуыхт архайæг Лалыты Хъазыбег æмæ иннæ курдиатджын артисттæ. Нæ сæйраг хæс у – дыууæ æфсымæрон адæмыхатты хсæн æнгом культурон æмархайд саразын. Культурон диалог æрвитгæйæ æмæ кæрæдзийы фæлтæрддзинадимæ зонгæ кæнгæйæ, рæзы национ аивад, æмæ уый у сæйрагдæр, загъта фестивалы аивадон разамонæг Хъоцлаты Сослан.
