16 ахуыргæнæндоны æнтыстджынæй кусынц «Туризм æмæ уазæгуарзондзинад»-ы къабазмæ гæсгæ профилон кълæстæ
Цæгат Ирыстоны скъолаты байгом сты, сæдæгæй сывæллæттæ кæм ахуыр кæнынц, ахæм профилон кълæстæ. 16 ахуыргæнæндоны æнтыстджынæй кусынц «Туризм æмæ уазæгуарзондзинад»-ы къабазмæ гæсгæ профилон кълæстæ. Уый рæзгæ фæлтæрæн æрмæст сæхи фидæны дæсныйады бафæлварыны фадат нæу, фæлæ ма райгуырæн республикæ, йæ истори, культурæ æмæ æрдзон хъæздыгдзинæдтæ хуыздæр базоныны гæнæн дæр, йæ телеграмм каналы ныффыста республикæйы сæргълæууæг Сергей Меняйло. Ацы куысты ахсджиаг бынат ахсы сывæллæтты туризмы республикон центр. Йæ специалисттæ активонæй архайынц профилон мадзæлтты æмæ конференциты, сæ профессионалон бастдзинæдтæ уæрæхдæр кæнынц, æмæ сæ хуыздæр æрхъуыдыдзинæдтæ фидар кæнынц ахуырадон процессы. Национ проект «Фæсивæд æмæ сывæллæтты» фæрцы гæнæн ис скъолатæ нырыккон кусæн æрмæгæй ифтонг кæнынæн, уымæй та аразгæ у ахуырады хæрзхъæддзинад.
